kishwar-naheed

Aakhiri Khwahish

aaj to mere kapde bhi paani ki tarah bhari hain

maut ka kajal ankhon men lagana

aur ankhon men patti bandh kar taar pe cycle chalana

ek jaisa amal hai

zinda rahne ka amal

murda zindagi ki daryuzgi se

angur ki tarah rang badal kar do-atisha hona

pighli hui mom-batti ki raushni ke akhiri vaar

ki tarah kaari hota hai

billi apne shikar se

pahle khelti hai phir khati hai

aaj jab ki mere kapde paani ki tarah bhari hain

meri binti suno

mujh se khelna band kar do

mujhe kha jaao

More Poems

Leave a Comment