Abrar Ahmad
bahut din rah liya ku-e-nadamat men
hazimat ke bahut se vaar ham ne sah liye
tira ye shahr shahr-e-jan nahin hai
tire is shahr men ab aur kya rahna
hamare khvab
tere khar-o-khas men the
hamare lafz
teri pesh-o-pas men the
ki ham har saans
teri dastaras men the
tire ujle dinon se
ham ko kya hissa milega
gada ke haath men
tuuta hua kaasa rahega
hamesha ke liye shayad
yahi qissa rahega
ab is dhoke men kya rahna
bahut din rah liya ku-e-nadamat men
Leave a Reply