aḳhirash kar liya qubul hamen
us ne bheje hain laal phuul hamen
ek laḌki ka ḳhvab hain ham bhi
koi samjhe nahin fuzul hamen
is qadar yaad kar rahe ho tum
ya.ani jaoge tum bhi bhuul hamen
ham hain ḳhushbu hava ke dosh pe hain
jald kar lijiye vasul hamen
muḳhtasar kijiye kahani ko
aap to de rahe hain tuul hamen
raah teri nahin takenge ham
shart ye bhi tiri qubul hamen
aur kuchh rang sher men aa.e
zindagi aur kar malul hamen
Leave a Reply