Ameeta Parsuram Meeta
kambakht dil ne ishq ko vahshat bana diya
vahshat ko ham ne bais-e-rahmat bana diya
kya kya mughalate diye daur-e-jadid ne
nafrat ko pyaar pyaar ko nafrat bana diya
ham ne hazar fasle ji kar tamam shab
ik mukhtasar si raat ko muddat bana diya
ai jaan apne dil pe mujhe naaz kyuun na ho
ik khvab tha ki jis ko haqiqat bana diya
makhsus had pe aa gai jab be-rukhi tiri
us had ko ham ne hasil-e-qismat bana diya
Leave a Reply