Poet
aaj qaabu men ye mizaj nahin
be-khudi ka koi ilaaj nahin
vaqt-e-akhir hai mera jaao tabib
ab dava ki to ehtiyaj nahin
ahd men mere shah-e-khuban ke
sitam-o-zulm ka rivaj nahin
mujh ko dikhla do ru-e-ghaus-e-khuda
aur koi mira ilaaj nahin
kam nahin faqr badshahi se
kuchh tamanna-e-takht-o-taj nahin
shah-e-khuban ke vaste hargiz
ghair-az-dil koi khiraj nahin
haf-iqlim nazr-e-shah karte
ai ‘jamila’ hamara raaj nahin
Leave a Reply