Poet
zinat-e-unvan hai mazmun alam-e-tauhid ka
matla-e-divan na kyuun matl.a bane ḳhurshid ka
ye savad-e-nama hai ya surma-e-tasḳhir hai
hai bayaz-e-saf.ha ya hai nuur sub.h-e-id ka
dair men hai vo na hai ka.abe men aur hai sab kahin
talib-e-nazzara ko gar ho saliqa diid ka
ho jo us ke naam par aghaz puura ho vo kaam
hai bar-arinda vahi har shaḳhs ki ummid ka
jo mila us se use kahta hai aalam mar gaya
naam murda rakh diya hai zinda-e-javed ka
lan-tarani hi rahi us shoḳh ko ushshaq se
hausla paida na kis kis ko hua go diid ka
taaza mazmun ‘sehr’ apni tab-e-mauzun se nikal
ho na tu tarz-e-suḳhan men ashna taqlid ka
Leave a Reply