aks bhi arsa-e-hairan men rakkha hua hai
kaun ye a.ina-ru dhyan men rakkha hua hai
shaam ki shaam se sargoshi suni thi ik baar
bas tabhi se tujhe imkan men rakkha hua hai
haan tire zikr pe ik, kaaT si uThti hai abhi
haan abhi dil tire bohran men rakkha hua hai
ek hi aag men jalna to zaruri bhi nahin
haan magar chehra vahi dhyan men rakkha hua hai
rabte us se sabhi toḌ ke yaad aaya hai
aḳhiri va.ada to saman men rakkha hua hai
raas aata hi nahin koi ta.alluq ‘nahid’
dil-e-ḳhush-fahm magar maan men rakkha hua hai
Leave a Reply