Meri Shikast Ka Kitna Ajib Manzar Tha

mirī shikast kā kitnā ajiib manzar thā

ki qatl maiñ hī huā mere haath ḳhanjar thā

tamām shahr añdheroñ kī nazr kaise huā

abhī to kal hī charāġhāñ yahāñ pe ghar ghar thā

nihattā ho ke maiñ sūraj se kis tarah laḌtā

ki us ke haath meñ kirnoñ kā ek lashkar thā

mire vajūd se qaa.em hai zindagī tū bhī

vagarna mujh meñ koī vasf thā na jauhar thā

maiñ ḳhud se mil na sakā sirf is liye ki ‘zafar’

mirā vajūd mire rāste kā patthar thā

Leave a Comment