miri shikast ka kitna ajiib manzar tha
ki qatl main hi hua mere haath ḳhanjar tha
tamam shahr andheron ki nazr kaise hua
abhi to kal hi charaghan yahan pe ghar ghar tha
nihatta ho ke main suraj se kis tarah laḌta
ki us ke haath men kirnon ka ek lashkar tha
mire vajud se qaa.em hai zindagi tu bhi
vagarna mujh men koi vasf tha na jauhar tha
main ḳhud se mil na saka sirf is liye ki ‘zafar’
mira vajud mire raste ka patthar tha
Leave a Reply