pur-nur ḳhayalon ki barsat tiri baten
har shaḳhs ye kahta hai naghmat tiri baten
ruḳhsar hasin darpan ankhon men haya raushan
kirdar tira sandal jazbat tiri baten
simTe to dil-e-ashiq phaile to jahan kam hai
sadiyon ko bana degi lamhat tiri baten
ab ḳhud se bhi milne ki fursat hi kahan ham ko
har shaam tiri mahfil har raat tiri baten
nazren jo uTha do tum taare bhi chamak jaa.en
aur chand ko de jaa.e saughat tiri baten
aa jaati hai milne ko har raat hamen ‘zakir’
phulon ki rida oḌhe barat tiri baten
Leave a Reply