aḳhir charagh-e-dard-e-mohabbat bujha diya
sar se kisi ki yaad ka patthar gira diya
DhunDe janam janam bhi to duniya na pa sake
yuun ham ne us ko apni ghazal men chhupa diya
ḳhushbu se us ki jism ki angan mahak uTha
kamre ko us ne apni hansi se saja diya
ye kis ke intizar men jhapki nahin palak
ye kis ne mujh ko raah ka patthar bana diya
kya kam hai ‘ja.afari’ ki mashinon ke shor ne
logon ko apne aap se milna sikha diya
Leave a Reply