bashir-badr

Kaun Aaya Raste Aaina-Khane Ho Gae

kaun aaya raste aina-khane ho gae

raat raushan ho gai din bhi suhane ho gae

kyuun haveli ke ujadne ka mujhe afsos ho

saikdon be-ghar parindon ke thikane ho gae

jaao un kamron ke aine utha kar phenk do

be-adab ye kah rahe hain ham purane ho gae

ye bhi mumkin hai ki main ne us ko pahchana na ho

ab use dekhe hue kitne zamane ho gae

palkon par ye aansu pyaar ki tauhin the

ankhon se gire moti ke daane ho gae

More Poems

Leave a Comment