tark-e-ta.alluqat ka mujh ko gila nahin
hai dil ke as-pas vo chahe jahan rahe
jaari musha.eron men hai shirkat ka silsila
achchha hai sha.iri ka tasalsul ravan rahe
the dil men ja-guzin bahut aise log bhi
nayab ho ga.e hain vo zinda kahan rahe
jaan vaar di hai ham ne zarurat paḌi agar
kuchh dost mere phir bhi bahut bad-guman rahe
kahne ko e’tibar use mujh pe tha magar
kuchh vasvase to lagta hai phir bhi nihan rahe
Leave a Reply