Sufi

Diye Ki Lau Se Na Jal Jae Tirgi Shab Ki

diye ki lau se na jal jaae tirgi shab ki

ki din ki qadr ka baais hai har ghadi shab ki

jo dil-kharash hain kuchh lamhe din ke lamhon men

to dil-faroz bhi hain saaten kai shab ki

kahan ke khvab mire aur kahan ki taabiren

mujhe to sone na de ab sahar-gari shab ki

jo vo nahin hai to kuchh bhi nahin hai phir ‘hamid’

abas hain chand ke bin raunaqen sabhi shab ki

More Poems

Leave a Comment