mushafi-ghulam-hamdani

Aaj Khun Ho Ke Tapak Padne Ke Nazdik Hai Dil

aaj khuun ho ke tapak padne ke nazdik hai dil

nok-e-nashtar ho to haan qabil-e-tahrik hai dil

ai falak tujh ko qasam hai miri is ko na bujha

ki gharibon ko charagh-e-shab-e-tarik hai dil

varam-e-dagh kai samne rakh kar us ke

ishq bola ”ye utha le tiri tamlik hai dil”

mujh ko hairat hai ki ki umr basar us ne kahan

is jahalat pe to ne turk na tajik hai dil

kamar-e-yar ke mazkur ko jaane de miyan

tu qadam is men na rakh raah ye barik hai dil

jama-e-dagh ko malbus kar apna din raat

kyunki ye jaama tire qad pe nipat thiik hai dil

‘mushafi’ ik to main huun dast-khush-dida-e-shokh

tis pe din raat mire darpai-e-tazhik hai dil

More Poems

Leave a Comment