Gham Is Ka Kuchh Nahin Hai Ki Main Kaam Aa Gaya

Tahir Faraz

gham is ka kuchh nahin hai ki main kaam aa gaya

gham ye hai qatilon men tira naam aa gaya

jugnu jale bujhe miri palkon pe sub.h tak

jab bhi tira ḳhayal sar-e-sham aa gaya

mahsus kar raha huun main ḳhushbu ki bazgasht

shayad tire labon pe mira naam aa gaya

kuchh doston ne puchha batao ghazal hai kya

be-saḳhta labon pe tira naam aa gaya

main ne to ek laash ki di thi ḳhabar ‘faraz’

ulTa mujhi pe qatl ka ilzam aa gaya