hue karvan se juda jo ham rah-e-ashiqi men fana hue
jo gire to naqsh-e-qadam bane jo uThe to bang-e-dara hue
kabhi daagh khate hi aah ki kahin aah karte hi ro diye
kabhi ham chaman ki hava hue kabhi ham hava ki ghaTa hue
jo hava-e-dard bikhar ga.i nazar un ki saaf badal ga.i
jo asir-e-halqa–naz the vo qatil-e-tegh-e-ada hue
hama-tan kabhi hue dard-o-gham hama-tan kabhi hue sabr ham
kabhi aap apna maraz hue kabhi aap apni dava hue
hua ba.ad-e-vasl ajab maza ki ḳhamosh baiThe juda juda
hama-tan main sabr-o-sukun hua hama-tan-o-sharm-o-haya hue
uThe ham jo ḳhvab-o-ḳhayal se lage takne dida-e-jal se
ki vo kab uThe vo kidhar ga.e abhi paas the abhi kya hue
ye qadam qadam pe jamenge paanv ki baḌh sakoge na aage tum
ho tumhare kuche ki ḳhaak men kahin dafn ahl-e-vafa hue
Leave a Reply