Hue Karwan Se Juda Jo Hum Rah-E-Ashiqi Mein Fana Hue

hue kārvāñ se judā jo ham rah-e-āshiqī meñ fanā hue

jo gire to naqsh-e-qadam bane jo uThe to bāñg-e-darā hue

kabhī daaġh khāte hī aah kī kahīñ aah karte hī ro diye

kabhī ham chaman kī havā hue kabhī ham havā kī ghaTā hue

jo havā-e-dard bikhar ga.ī nazar un kī saaf badal ga.ī

jo asīr-e-halqa–nāz the vo qatīl-e-teġh-e-adā hue

hama-tan kabhī hue dard-o-ġham hama-tan kabhī hue sabr ham

kabhī aap apnā maraz hue kabhī aap apnī davā hue

huā ba.ad-e-vasl ajab mazā ki ḳhamosh baiThe judā judā

hama-tan maiñ sabr-o-sukūñ huā hama-tan-o-sharm-o-hayā hue

uThe ham jo ḳhvāb-o-ḳhayāl se lage takne dīda-e-jāl se

ki vo kab uThe vo kidhar ga.e abhī paas the abhī kyā hue

ye qadam qadam pe jameñge paañv ki baḌh sakoge na aage tum

ho tumhāre kūche kī ḳhaak meñ kahīñ dafn ahl-e-vafā hue

Leave a Comment