Aaj Dilbar Ke Nam Ko raT raT

aaj dilbar ke naam ko raT raT

ro diyā lā-ilāj ho paT paT

zulm se tere dil mirā khaT khaT

paara paara huā jigar phaT phaT

ai miyāñ dekh tujh kamar meñ teġh

TukḌe TukḌe jigar huā kaT kaT

mū se bārīk-tar huā huuñ za.iif

terī zulfoñ kī dekh kar laT laT

haath dikhlā ke jī nikāl liyā

ye kalā dekh kar ga.e naT naT

sailī-bāzoñ ke haath se ‘hātim’

dil tirā muft meñ gayā baT baT

Leave a Comment