ajiib shaḳhs hai kaisi ye justuju hai use
palak se ḳhaar uThane ki aarzu hai use
vo ḳhvahishon ke diye har qadam jalata hai
talash kaun se chehre ki chaar su hai use
vo taaq taaq jo yadon ke phuul rakhta hai
ye kis junun ki divar ru-ba-ru hai use
zamane bhar ke sitare hain aankh ke aage
bas ek naam hi kyuun harf-e-guftugu hai use
kyuun ek ḳhvab ko ankhon men le ke phirta hai
kyuun ek dard ka ehsas ku-ba-ku hai use
Leave a Reply