khwaja-meer-dard

Sina-O-Dil Hasraton Se Chha Gaya

sina-o-dil hasraton se chha gaya

bas hujum-e-yas ji ghabra gaya

tujh se kuchh dekha na ham ne juz jafa

par vo kya kuchh hai ki ji ko bha gaya

khul nahin sakti hain ab ankhen miri

ji men ye kis ka tasavvur aa gaya

main to kuchh zahir na ki thi ji ki baat

par miri nazron ke Dhab se pa gaya

pi gai kitnon ka lohu teri yaad

gham tira kitne kaleje kha gaya

mit gai thi us ke ji se to jhichak

‘dard’ kuchh kuchh bak ke tu chaunka gaya

More Poems

Leave a Comment