Poet
aaj aap mire haal pe karte hain ta.assuf
ashfaq inayat karam mehr talattuf
ai girya pas-e-qafila dil naam hai ik yaar
ye ḳhasta bhi nibh jaa.e jo yak dam ho tavaqquf
hai Dol to naala ka vahi dil bhi vahi lek
tasir na ab is men hai na is men tasarruf
suufi hai vo be-ilm ho jo hasti se apni
kis kaam paḌha tu ne jo yuun ilm-e-tasavvuf
ḳhamoshi bhi kuchh turfa latifa hai ki ‘qa.em’
karna paḌe jis men na tasanno na takalluf
Leave a Reply