Moni Gopal Tapish
a.ine TuTte hain nazar ko rasa.i de
apni hi kyuun na ho koi surat dikha.i de
hai us ki nekiyon men abhi tak mira shumar
be-shak vo mere naam hazaron bura.i de
ai yad-e-yar saath tire chal chuka bahut
main thak ke chur-chur hua ab riha.i de
main ne har ik gunah tumhara chhupa liya
manega kaun laakh andhera safa.i de
phir raston pe raat bhaTakti hai ai ‘tapish’
main ik diya jala.un ki manzil dikha.i de
Leave a Reply