Meer Ahmad Naved
a.ine par jami hui hairat ko dekhna
kya baar baar ek hi surat ko dekhna
hasil ye hai ki ek hi hai sifr ka hisab
manafi ko dekhna kabhi musbat ko dekhna
ai vaqt tu kahin bhi kisi ka hua hai kya
kya tujh ko dekhna tiri saa.at ko dekhna
danishvaran-e-vaqt hon jab mahv-e-guftugu
chup rah ke darmiyan miri vahshat ko dekhna
pahle to kaam dekhna mera vara-e-vaqt
phir kaam men dabi hui fursat ko dekhna
Leave a Reply