Poet
aa.ina dekhun magar kya dekhun
ḳhud ko hathon se phisalta dekhun
manzil-e-shauq kahin aur nahin
Duub ja.un to kinara dekhun
koi qatil hi kahin mil jaa.e
ek insan to zinda dekhun
vo jo aaya hai to kya aaya hai
samne aur hi chehra dekhun
ḳhuld ko is liye chhoḌ aaya tha
ye tamanna thi ki duniya dekhun
aaj phir dil men vahi ḳhvahish hai
ya.ani kuchh us se nirala dekhun
aur chara nahin ‘tasir’ koi
jo dikha.e ye zamana dekhun
Leave a Reply