Poet
aah vo kaun tha khuda maara
jis ne us se mujhe laga maara
kya ghazab thi vo jumbish-e-abru
saaf jaise ki nimcha maara
baad muddat mile the kal un se
aaj logon ne phir laga maara
vasl ki shab bhi main na soya aah
roz-e-hijr un ke khauf ka maara
pa ke marzi khula jo baton men
ye hansaya ki bas luta maara
jins-e-sabr-o-khirad lute ‘maruf’
mulk-e-dil fauj-e-gham ne aa maara
Leave a Reply