Meer Taqi Meer
aah meri zaban par aai
ye bala asman par aai
alam-e-jan se to nahin aaya
ek aafat jahan par aai
piiri aafat hai phir na tha goya
ye bala jis javan par aai
ham bhi hazir hain khinchiye shamshir
taba gar imtihan par aai
tab thikane lagi hamari khaak
jab tire astan par aai
atish-e-rang-e-gul se kya kahiye
barq thi ashiyan par aai
taqat-e-dil ba-rang-e-nikhat-e-gul
phiir apne makan par aai
ho jahan ‘mir’ aur gham is ka
jis se aalam ki jaan par aai
Leave a Reply