Mohsin Shaafi
aah bharte hue nikalte hain
ashk jalte hue nikalte hain
ḳhauf phaila hai itna basti men
log Darte hue nikalte hain
ham qalandar mizaj galiyon men
raqs karte hue nikalte hain
shaam hote hi teri yadon ke
saanp Daste hue nikalte hain
dil ki dhaḌkan badalne lagti hai
jab vo hanste hue nikalte hain
ghar se nad-e-ali ka ham ‘shafi’
vird karte hue nikalte hain
Leave a Reply