Poet
agahi jis maqam par Thahri
vo faqat meri rahguzar Thahri
jis ghaḌi samna hua tera
vo ghaḌi jaise umr bhar Thahri
chal paḌa vaqt jab tire hamrah
shaam Thahri na phir sahar Thahri
har mulaqat par hua mahsus
ye mulaqat muḳhtasar Thahri
mere ghar aa.i thi ḳhushi lekin
ja ke mehman tere ghar Thahri
har hasin se guzar ga.i ‘jami’
aa.ine par miri nazar Thahri
Leave a Reply