kabhi jo mil na saki us ḳhushi ka hasil hai
ye dard hi to miri zindagi ka hasil hai
main apne aap se pichha nahin chhuḌa paaya
mira vajud miri bebasi ka hasil hai
ye tirgi bhi kisi raushni se nikli hai
ye raushni bhi kisi tirgi ka hasil hai
hazar kavishen kiin par nahin samajh paaya
koi batae to kya aadmi ka hasil hai
mira vajud jo patthar dikhai deta hai
tamam umr ki shishagari ka hasil hai
ma.ashre men jo mash.hur ho gaya ‘irfan’
vo ek sher tiri shairi ka hasil hai
Leave a Reply