Noor N Sahir
aag nafrat ki bujhane ke liye kaafi huun
main tujhe pyaar sikhane ke liye kaafi huun
ek qatra huun main dariya to nahin huun lekin
main tiri pyaas bujhane ke liye kaafi huun
main huun kamzor magar itna bhi kamzor nahin
main tira shahr jalane ke liye kaafi huun
teri izzat ki agar baat hai to phir main hi
tujh ko siine se lagane ke liye kaafi huun
main akela huun magar tujh se mohabbat hai mujhe
teri ḳhatir main zamane ke liye kaafi huun
Leave a Reply