ik jaam khanakta jaam ki saaqi raat guzarne vaali hai
ik hosh-ruba inaam ki saaqi raat guzarne vaali hai
vo dekh sitaron ke moti har aan bikharte jaate hain
aflak pe hai kohram ki saaqi raat guzarne vaali hai
go dekh chuka huun pahle bhi nazzara dariya-noshi ka
ek aur sala-e-am ki saaqi raat guzarne vaali hai
ye vaqt nahin hai baton ka palkon ke saae kaam men la
ilham koi ilham ki saaqi raat guzarne vaali hai
mad-hoshi men ehsas ke unche ziine se gir jaane de
is vaqt na mujh ko thaam ki saaqi raat guzarne vaali hai
Leave a Reply