Ashar Najmi
inkishaf-e-zat ke aage dhuan hai aur bas
ek tu hai ek main huun asman hai aur bas
a.ina-ḳhanon men raqsinda rumuz-e-agahi
os men bhiga hua mera guman hai aur bas
canvas par hai ye kis ka paikar-e-harf-o-sada
ik numud-e-arzu jo be-nishan hai aur bas
hairaton ki sab se pahli saf men ḳhud main bhi to huun
jaane kyuun har ek manzar be-zaban hai aur bas
ajnabi lams-e-badan ki rengti hain chyunTiyan
kuchh nahin hai sa.at-e-mauj-e-ravan hai aur bas
Leave a Reply