Sunil Kumar Jashn
aabru ki kise zarurat hai
jaan bach jaa.e to ghanimat hai
der tak saath de nahin sakta
jhuuT ki bas yahi haqiqat hai
be-zarurat bhi kar liya sajda
ye ibadat baḌi ibadat hai
main mohabbat tujhe nahin karta
tu faqat ruuh ki zarurat hai
dasht viran rahe agar to phir
dava-e-ashiqi pe la.anat hai
koi shikva-gila nahin baaqi
ab isi baat ki shikayat hai
Leave a Reply