ismail-merathi

Kya Kya Ajal Ne Jaan Churai Tamam Shab

kya kya ajal ne jaan churai tamam shab

koi bhi aarzu na bar aai tamam shab

dil-soz kab hue hain ki jab khaak ho gaya

turbat pe meri shama jalai tamam shab

ai va-e-talkh-kami-e-roz-e-bad-firaq

naseh ne jan-e-gham-zada khaai tamam shab

az-bas yaqin-e-vada-e-didar-e-khvab tha

kya khush hue ki niind na aai tamam shab

ik ah-e-dil-nashin se vo but munfail hua

vallah kya nadamat uthai tamam shab

lagte hi aankh dekh liya jalva-e-nihan

pesh-e-nazar thi shan-e-khudai tamam shab

More Poems

Leave a Comment