abhishek-shukla

Aabru-e-Shab-e-Tira Nahin Rakhne Wale

abru-e-shab-e-tira nahin rakhne vaale

ham kahin par bhi andhera nahin rakhne vaale

aaina rakhne ka ilzam bhi aaya ham par

jab ki ham log to chehra nahin rakhne vaale

ham pe farhad ka kuchh qarz nikalta hai so ham

tum kaho bhi to ye tesha nahin rakhne vaale

ham ko maalum hain az-ru-e-mohabbat so ham

koi bhi dard ziyada nahin rakhne vaale

More Poems

Leave a Comment