dard samjhe na koi dard ka darman samjhe
log vahshat ko ilaj-e-gham-e-dauran samjhe
dil pe kya guzri achanak tire aa jaane se
is nazakat ko bhala kya koi mehman samjhe
arsh-o-kursi se pare rakhte hain jo langah-e-fikr
manzar-e-dahr ko ham rauzan-e-zindan samjhe
vo bhaḌakte hue sho.ale the nasheman ke mire
duur se aap jinhen sarv-e-charaghan samjhe
yuun bhi halat se samjhauta kiya hai aksar
dushman-e-jan ko bhi ham apna nigahban samjhe
Leave a Reply