Hafeez Merathi
abad rahenge virane shadab rahengi zanjiren
jab tak divane zinda hain phulengi phalengi zanjiren
azadi ka darvaza bhi ḳhud hi kholengi zanjiren
TukḌe TukḌe ho ja.engi jab had se baḌhengi zanjiren
jab sab ke lab sil ja.enge hathon se qalam chhin ja.enge
batil se loha lene ka elaan karengi zanjiren
andhon bahron ki nagri men yuun kaun tavajjoh karta hai
mahaul sunega dekhega jis vaqt bajengi zanjiren
jo zanjiron se bahar hain azad unhen bhi mat samjho
jab haath kaTenge zalim ke us vaqt kaTengi zanjiren
Leave a Reply