aa ke ab jañgal meñ ye uqda khulā
bheḌiye paḌhte nahīñ haiñ falsafa
rīchhnī ko shā.erī se kyā ġharaz
tañg hai tahzīb hī kā qāfiya
khaal chiknī ho to dhande haiñ hazār
gīdaḌī ne kab koī dohā sunā
gorḳhar kī dhāriyoñ ko dekh lo
suiT chaupā.e bhī lete haiñ silā
lomḌī kī dum ghanī kitnī bhī ho
satar-poshī ko nahīñ kahte hayā
shahr meñ un ke jo guzrā thā ‘salīm’
likh diyā hai maiñ ne saarā mājrā