gar dost bhi sau jafa karega
dushman bechara kya karega
jab band-e-qaba vo va karega
gul chaak apni qaba karega
kar ke koi chaah kya karega
fariyad-o-fughan kya karega
daagh apna charagh-e-ḳhana-e-dil
ta sub.h-e-abad jala karega
juz be-kasi apna aur hai kaun
jo da.ava-e-ḳhun-baha karega
sar-gashtagi ki na raah ho tai
jab tak ki na sar ko pa karega
jab kaT ke girega us ke pa par
sar sajda-e-shukr ada karega
jab umr hi bevafa hai ‘besabr’
phir kaun bhala vafa karega
Leave a Reply