Hafeez Banarasi
aa jaao ki mil kar ham jiine ki bina Dalen
ye bar-e-hayat ai dost uThne ka nahin tanha
duniya pe musallat hai auham ki tariki
ham hain ki jala.e hain ik sham-e-yaqin tanha
muhtaj-e-tavajjoh hain kuchh aur masa.il bhi
kyuun zehn men phirti hai ik nan-e-javin tanha
har murgh-e-ḳhush-alhan ab parvaz pe maa.il hai
gulshan men na rah jaa.e sayyad kahin tanha
sajde dar-e-janan par lakhon ne kiye lekin
me.ar-e-vafa Thahri meri hi jabin tanha
ik husn-e-tasavvur hai jo ziist ka sathi hai
vo koi bhi manzil ho ham log nahin tanha
nazdik ‘hafiz’ is ke rind aa.en to kya aa.en
jagir hai zahid ki sarmaya-e-den tanha
Leave a Reply