idhar mahsus hoti hai kami us ki
udhar main bhuul jaata huun gali us ki
main dariya ho bhi ja.unga to kya hoga
mujhe ma.alum hai jab tishnagi us ki
vo jis ki rat-din tasbih karte hain
kabhi dekhi nahin tasvir bhi us ki
jahan jaa.e hamen bhi saath le jaa.e
kahin be-ghar na kar de be-ghari us ki
vo aksar ḳhali ghar men aata jaata hai
ki jaise chiiz koi rah ga.i us ki
guzarte vaqt ki jab baat karta hai
hamesha band hoti hai ghaḌi us ki
Leave a Reply