Yunhi Kufr Har Subh Har Sham Hoga

yunhi kufr har subh har shaam hoga

ilahi kabhu yaan bhi islam hoga

kahin kaam men vo to khud-kam hoga

yahan kaam akhir hai vaan kaam hoga

yahi dil agar hai yahi be-qarari

tah-e-khak bhi khaak aram hoga

sanam tiin panch aap ka chaar din hai

sada ek allah ka naam hoga

ye mizhgan vo hain jin ki kavish se ik din

mushabbak jigar misl-e-badam hoga

buto jab ki aghaz-e-ulfat hai ye kuchh

khuda jaane kya is ka anjam hoga

dua ke evaz galiyan aur to kya

inayat yahi mujh ko inaam hoga

ye do ik bala hain giraftar un ka

koi subh hoga koi shaam hoga

yahi subh aur shaam tak gar amal hai

amal teri zulfon ka ta-sham hoga

main vo na-tavan huun agar zabh kiije

na ik naala mujh se sar-anjam hoga

ju bismil tu karta hai bismillah ai shokh

tire kaam men mera bhi kaam hoga

miri lag rahin chhat se ankhen hain dekho

musharraf kab is se lab-e-bam hoga

kabhu tu bhi hoga musalman ai but

sada tera jhuta hi paigham hoga

shikar-e-ajal honge ik roz ham sab

hamesha na rustam na yaan saam hoga

kahan hai vo said-afgani gor men aah

khuda jaane kya hal-e-bahram hoga

na sun meri ‘ehsa۔n’ mubarak tujhe ishq

mujhe kya tira naam badnam hoga

Leave a Comment