Poet
aa ga.e mujh men bhi kuchh rang zamane vaale
ab miri aankh men aansu nahin aane vaale
tum mira naam jo ik baar zaban par le aao
ḳhud mire daam baḌha denge ghaTane vaale
ab ke koi bhi tiri samt nahin aa.ega
sab ko har roz na.i samt batane vaale
ye jo shohrat ne mira nam-o-nasab puchh liya
ab mujhe sar pe biTha.enge girane vaale
is liye sher kahun log tujhe pahchanen
dard de kar mira mahaul banane vaale
sab kahan jaan sakenge mira dil janta hai
un ke naḳhre bhi to hain naaz uThane vaale
jab koi chiiz sambhali nahin jaati tujh se
tere hathon men kabhi ham nahin aane vaale
Leave a Reply