marna mariz-e-ishq ke haq men shifa hua
achchha hua najat mili kya bura hua
rah-e-adam ki manzil-e-avval men kya hua
jo aaya ḳhaak Daal ke mujh par hava hua
nashtar ko Dubne na diya ai rag-e-junun
kya us ka ek qatra-e-ḳhun men bhala hua
jis dil ke daagh se hamen thi chashm-e-raushni
rahta hai vo to shaam hi se ḳhud bujha hua
bas aisi charasazi se ai ‘shauq’ baaz aa.e
jis se ki dard aur bhi dil men siva hua
Leave a Reply