shaam ko sub.h andhere ko ujala likkhen
alam-e-shauq men kya janiye ham kya likkhen
mudda.a likkhen talab likkhen tamanna likkhen
itna kuchh likh ke bhi ham ḳhat ko adhura likkhen
koi ḳhushbu na koi rang na koi avaz
dil ko ham sang na samjhen to ise kya likkhen
ik isi soch men gum ho ga.e kitne mausam
in se ham haal zabani hi kahen ya likkhen
ham ko israr ki zulmat ko ziya kyuun manen
un ka ye hukm ki har shab ko savera likkhen
maslahat ham ko bhi marghub hai lekin kab tak
ḳhaar ko phuul kahen dasht ko dariya likkhen
husn-e-ma.asum ko mausum karen qatil se
aur qatil ko zamane ka masiha likkhen
dastan-e-dil-e-ḳhun-gashta kahan tak ‘sahir’
ab gham-e-zat se haT kar gham-e-duniya likkhen
Leave a Reply