Shams Fareedi
‘shams’ kahan vo ilhami thi
sidhi si ik baat kahi thi
saath tire jo shab biiti thi
mujh par kaisi mad.hoshi thi
barish se main bhiig chuka tha
phir bhi kaisi tishna-labi thi
main lashon ke biich khaḌa tha
ghar ki har divar giri thi
ek barahna peḌ khaḌa tha
TuuTi us ki har Daali thi
aag bujhane log aa.e the
basti jal kar ḳhaak hui thi
shahron shahron sannaTa tha
garm hava bas chiḳh rahi thi
Leave a Reply