ankhon men base ho tum ankhon men ayaan ho kar
dil hi men na rah jaao ankhon se nihan ho kar
haan lab pe bhi aa jaao andaz-e-bayan ho kar
ankhon men bhi aa jaao ab dil ki zaban ho kar
khul jaao kabhi mujh se mil jaao kabhi mujh ko
rahte ho mire dil men ulfat ka guman ho kar
hai shaiḳh ka ye aalam allah re badmasti
ankhon hi se zahir hai aaya hai jahan ho kar
badnami o barbadi anjam-e-mohabbat hain
duniya men raha ‘farhat’ rusva-e-jahan ho kar
Leave a Reply