zulf zanjir-e-pa hui jab se
ham asir-e-ma.ash hain tab se
madrason ne bana diya naukar
umr saari ganva.i is Dhab se
peT ki aag kyon nahin bujhti
justuju kar rahe hain ham kab se
ham faqat maang kar hi jiite hain
kaash ghairat bhi maang len rab se
is ko daulat ne kya uThana hai
gir gaya jo haya ke markab se
ḳhatm-e-qur.an hai nekiyon ke liye
ham ko matlab nahin hai matlab se
shaiḳh-o-sufi uTha ke chang-o-rubab
dekh laḌne chale hain marhab se
tirgi men jala ke diip na.e
dushmani le rahe hain ham sab se
tum ujalon ki baat mat karna
tirgi shah ke saath hai ab se
chhoḌ ‘naqqash’ harf-e-sachcha.i
log ḳha.if hain tere maz.hab se
Leave a Reply