Azm Shakri
zindagi yuun bhi guzari ja rahi hai
jaise koi jang haari ja rahi hai
jis jagah pahle ke zaḳhmon ke nishan men
phir vahin par choT maari ja rahi hai
vaqt-e-ruḳhsat ab-dida aap kyuun hain
jism se to jaan hamari ja rahi hai
bol kar tarif men kuchh lafz us ki
shaḳhsiyat apni nikhari ja rahi hai
dhuup ke dastane hathon men pahan kar
barf ki chadar utari ja rahi hai
Leave a Reply