ham baat tire munh pe khari karne lage hain
ja tujh ko taḳhayyul se bari karne lage hain
haan raas nahin ham ko mohabbat ka ḳhazana
thak-har ke ham saudagari karne lage hain
miTTi se banaya tha jo sahil pe gharaunda
kuchh bachche use bara-dari karne lage hain
is vaste lahje ko badal Daala hai ham ne
ḳhushab ko ham dekh miri karne lage hain
muddat se taḳhayyul men thi jo murti teri
ham ab ke use chhu ke pari karne lage hain
jo log nahin jante miTTi ki haqiqat
vo log bhi ab kuza-gari karne lage hain
qurban ‘hasan’ aise faqiron pe mira dil
jo peḌ ke patton ko dari karne lage hain
Leave a Reply