Siya Sachdev
zindagi tujh ko kahin par to Thaharna hoga
rasm-e-duniya ko nibhate hue marna hoga
paanv thak jaa.en badan kanpe ya dil ghabra.e
jalte sahra se hamen roz guzarna hoga
kya vahi mauj-e-bala kya vahi manjdhar ka ḳhauf
gham ke dariyaon se ab paar utarna hoga
chhoḌ duun kaise adhura main koi kaam tira
tere ḳhake men mujhe rang to bharna hoga
laakh halat tujhe karte hon majbur ‘siya’
TuuT kar bhi na kahin tujh ko bikharna hoga
Leave a Reply