Zindagi Tujhko Kahin Par to Thaharna Hoga

zindagī tujh ko kahīñ par to Thaharnā hogā

rasm-e-duniyā ko nibhāte hue marnā hogā

paañv thak jaa.eñ badan kāñpe yā dil ghabrā.e

jalte sahrā se hameñ roz guzarnā hogā

kyā vahī mauj-e-balā kyā vahī mañjdhār kā ḳhauf

ġham ke dariyāoñ se ab paar utarnā hogā

chhoḌ duuñ kaise adhūrā maiñ koī kaam tirā

tere ḳhāke meñ mujhe rañg to bharnā hogā

laakh hālāt tujhe karte hoñ majbūr ‘siyā’

TuuT kar bhī na kahīñ tujh ko bikharnā hogā

Leave a Comment